იტალიამ დაადასტურა, რომ არ აპირებს მონაწილეობა მიიღოს უკრაინაში სამხედრო მისიაში პოტენციური სამშვიდობო შეთანხმების მხარდასაჭერად.
ამის შესახებ ნათქვამია იტალიის მთავრობის განცხადებაში, ბრიტანეთის პრემიერ -მინისტრის კირ სტარმერის მიერ ორგანიზებულ „მსურველთა კოალიციის“ შეხვედრაში იტალიის პრემიერ-მინისტრ ჯორჯია მელონის მონაწილეობის შემდეგ.
იტალიის მთავრობამ ხაზგასმით აღნიშნა, რომ მხოლოდ სამართლიან და გრძელვადიან მშვიდობას შეუძლია უზრუნველყოს უკრაინის მომავალი სუვერენიტეტი და უსაფრთხოება.
„პრემიერ-მინისტრმა მელონიმ დაადასტურა, რომ იტალია აპირებს გააგრძელოს მუშაობა ევროპულ და დასავლელ პარტნიორებთან და შეერთებულ შტატებთან უსაფრთხოების საიმედო და ეფექტური გარანტიების გამოსავლენად და დაადასტურა, რომ ადგილზე შესაძლო სამხედრო ძალებში იტალიის მონაწილეობა არ იგეგმება“, - ნათქვამია განცხადებაში.
ბრიტანეთის პრემიერ-მინისტრმა 15 მარტს ონლაინ-შეხვედრის შემდეგ განაცხადა, რომ „მსურველთა კოალიცია“ გადადის ოპერაციულ ფაზაში და რომ სამხედრო მაღალჩინოსნები ხუთშაბათს ბრიტანეთში შეხვდებიან, რათა დაგეგმონ სამომავლო სამშვიდობო შეთანხმების გაძლიერება.
კირ სტარმერმა ასევე თქვა, რომ არსებობს ორი ზეწოლის წერტილი, რათა რუსეთი მოლაპარაკებების მაგიდასთან მიიყვანონ.
