საუდის არაბეთში ამერიკისა და უკრაინის დელეგაციების მოლაპარაკებების დროს, უკრაინის პრეზიდენტის ვოლოდიმირ ზელენსკის პოსტიდან გადადგომუსა და არჩევნების ჩატარების საკითხი არ განიხილებოდა.
ამის შესახებ სოციალურ ქსელ X-ში Fox News-ის ჟურნალისტი ნანა საჯაია „მოლაპარაკებებში უშუალოდ მონაწილე“ წყაროზე დაყრდნობით წერს.
მანამდე დასავლური მედია თეთრ სახლში წყაროებზე დაყრდნობით წერდა, რომ აშშ-ის პრეზიდენტის დონალდ ტრამპის ადმინისტრაცია მიიჩნევს, რომ საპრეზიდენტო არჩევნები უკრაინაში უნდა ჩატარდეს, რათა გამარჯვებულმა შეძლოს გრძელვადიანი სამშვიდობო შეთანხმების შესაებ მოლაპარაკება.
აშშ-ის პრეზიდენტის სპეციალურმა წარმომადგენელმა უკრაინასა და რუსეთში, კიტ კელოგმა ასევე ისაუბრა იმაზე, რომ უკრაინაში საპრეზიდენტო არჩევნები 2025 წლის ბოლომდე უნდა ჩატარდეს.
უკრაინის ხელისუფლება აცხადებს, რომ საპრეზიდენტო არჩევნების ჩატარება საომარი მდგომარეობის დროს ეწინააღმდეგება ქვეყნის კანონებს.
