გერმანიის არჩევნებში გამარჯვებული ფრიდრიხ მერცის ქრისტიანულ-დემოკრატიულმა კავშირმა და ოლაფ შოლცის გერმანიის სოციალ-დემოკრატიულმა პარტიამ კოალიციური მთავრობის შექმნაზე ისაუბრეს.
მოლაპარაკებების დროს მათ პირობა დადეს, რომ გააძლიერებენ ბრძოლას არალეგალური მიგრაციის წინააღმდეგ, მხარს დაუჭერენ ინდუსტრიას და ხელს შეუწყობენ ქვეყნის ეკონომიკის სტიმულირებას, წერს Reuters.
გერმანიის მომავალი კანცლერი ფრიდრიხ მერცი გეგმავს კოალიციის შექმნას აღდგომამდე, კერძოდ, 2025 წლის 20 აპრილამდე.
მისი თქმით, ევროპას აქვს „ხუთი წუთი შუაღამემდე“ მტრული რუსეთისგან თავის დასაცავად, შეერთებული შტატები კი დონალდ ტრამპის პრეზიდენტობის დროს აღარ ითვლება საიმედო მოკავშირედ.
ორივე მხარე იმედოვნებს, რომ შეთანხმებას მომავალ კვირაში მიაღწევენ.
