უკრაინის პრეზიდენტი ვოლოდიმირ ზელენსკი დონეცკის ოლქის დობროპილიას ცენტრში რუსეთის სარაკეტო დარტყმას გამოეხმაურა.
„საღამოს [გუშინ] რუსულმა არმიამ დონეცკის ოლქის დობროპილიას ცენტრს ორი ბალისტიკური რაკეტით დაარტყა.
შემთხვევის ადგილზე ჩვენი სამსახურების მისვლისთანავე განხორციელდა მორიგი თავდასხმა, რომლის სამიზნეებიც იყვნენმაშველები.
დაშინების ამაზრზენი და არაადამიანური ტაქტიკა, რომელსაც რუსები ხშირად მიმართავენ...
...ასეთი დარტყმები აჩვენებს, რომ რუსეთის მიზნები უცვლელი რჩება. ამიტომ, ძალიან მნიშვნელოვანია, გავაგრძელოთ ყველაფრის გაკეთება სიცოცხლის დასაცავად, ჩვენი საჰაერო თავდაცვის გასაძლიერებლად და რუსეთის წინააღმდეგ სანქციების გასაძლიერებლად.
ყველაფერი, რაც პუტინს ომის დაფინანსებაში ეხმარება, უნდა დაიმსხვრეს», - წერს ზელენსკი.
7 მარტის საღამოს რუსები თავს დაესხნენ დობროპილიას ცენტრს. სულ მცირე 11 ადამიანი დაიღუპა და 30 დაშავდა.
