გამოკითხვის მიხედვით, აშშ-თან ურთიერთობის გამწვავებისა და ოვალურ კაბინეტში მომხდარი დაპირისპირების ფონზე, უკრაინელებს შორის ქვეყნის პრეზიდენტის, ვოლოდიმირ ზელენსკისადმი ნდობა 57-დან 68 პროცენტამდე გაიზარდა. ინფორმაციას იუწყება უკრაინული მედია.
კვლევის მიხედვით, 2025 წლის თებერვლის პირველი ნახევრისთვის, უკრაინასა და შეერთებულ შტატებს შორის ურთიერთობების გამწვავებამდე, ზელენსკის უკრაინელების 57% ენდობოდა, ხოლო 37% არ ენდობოდა. ნდობა-უნდობლობის ბალანსი +20% იყო.
14 თებერვლიდან 4 მარტამდე პერიოდში უკრაინის პრეზიდენტის მიმართ ნდობის დონე 67%-მდე გაიზარდა, ხოლო მათი პროცენტული რაოდენობა, ვინც არ ენდობა 29%-მდე შემცირდა. შესაბამისად, ნდობა-უნდობლობის ბალანსი გაუმჯობესდა +38%-მდე.
გამოკითხვის მიხედვით, პრეზიდენტისადმი ნდობა შედარებით დაბალია უკრაინის აღმოსავლეთში, თუმცა უმეტესობა მაინც ენდობა ზელენსკის. გამოკითხვის შედეგების თანახმად, პრეზიდენტს ენდობა 60%, ხოლო არ ენდობა 36%.
„კიევის საერთაშორისო სოციოლოგიის ინსტიტუტის“ მიერ ჩატარებულ გამოკითხვაში მონაწილეობა მიიღო 1029 ადამიანმა. გამოკითხვა ჩატარდა უკრაინაში იმ მონეტისთვის მცხოვრებ 18 წელს ზემოთ ასაკის მოქალაქეებთან. კვლევითი ცენტრის ცნობით, ასეთი გამოკითხვის დროს ცდომილება არ აღემატება 4,1%-ს.
