თბილისში ვიზიტით იმყოფება კომპლექსის "My Baby" მფლობელი ჯეს ქანაანი, რომელიც საქართველო-ისრაელის ბიზნესპალატის დამფუძნებელს, იციკ მოშეს შეხვდა. იციკ მოშემ სტუმარს გააცნო საქართველოს საინვესტიციო გარემო და ბიზნეს შესაძლებლობები და დაპირდა, რომ ბიზნესპალატისგან უანგაროდ მიიღებს ყველა სახის მხარდაჭერას, რათა იყოს დაცული და იმუშაოს ეფექტიანად.
ჯეს ქანაანი არის ერთ-ერთი მფლობელი ახლო აღმოსავლეთის უმსხვილესი სავაჭრო და გასართობი კომპლექსის "My Baby", რომელიც მდებარეობს ისრაელის ქალაქ იარკაში. ის თბილისში ინვესტიციების ხელშეწყობის მიზნით ჩამოვიდა. ქანაანი წარმოშობით დრუზია და ცნობილია, როგორც ისრაელის ქვეყნის პატრიოტი. იგი აქტიურად უჭერს მხარს თავის საზოგადოებას და ითვლება საცალო ვაჭრობის სექტორში პიონერად.
"My Baby" კომპლექსი 30,000 კვადრატული მეტრის ფართობს მოიცავს და ყოველწლიურად დაახლოებით 1,5 მილიონ ვიზიტორს მასპინძლობს. ეს არის ერთ-ერთი უმნიშვნელოვანესი ლოკაცია როგორც ისრაელის მოქალაქეებისთვის, ასევე უცხოელი ტურისტებისთვის.
თბილისში ვიზიტის ფარგლებში, ჯეს ქანაანმა შეისწავლა საინვესტიციო შესაძლებლობები და გამოხატა ბიზნესის გაფართოების სურვილი ისრაელის ფარგლებს გარეთ. მან შეხვედრები გამართა ადგილობრივი ბიზნესლიდერებისა და მთავრობის წარმომადგენლებისთან, რათა განეხილათ პოტენციური თანამშრომლობის პერსპექტივები.
ჯეს ქანაანი აგრძელებს აქტიურ საქმიანობას როგორც ადგილობრივი, ისე საერთაშორისო ეკონომიკის განვითარებაში, ამასთანე, დიდ მნიშვნელობას ანიჭებს დრუზების საზოგადოების ღირებულებებისა და კულტურული მემკვიდრეობის შენარჩუნებას.
აღსანიშნავია, რომ წლის ბოლოს საქართველოში ისრაელის დიპლომატიურ წარმომადგენლობას სათავეში ჩაუდგება ეთნიკურად დრუზი დიპლომატი. ნიშანდობლივია, რომ ისრაელსა და 2018 წელს საქართველოს შორის თავისუფალი ვაჭრობის შეთანხმებაზე მუშაობა დაიწყო აქრამ ხასონმა, რომელიც არის დრუზი პარლამენტარი.
იციკ მოშეს თქმით, წლის ბოლოს, საქართველო-ისრაელის ურთიერთობების 35 წელთან დაკავშირებით ჩატარდება ბიზნესფორუმი, რომელშიც მონაწილეობას მიიღებს ისრაელიდან 100-მდე ბიზნესმენი, მანამდე კი ტარდება ჯგუფური შეხვედრები საქართველოსა და ისრაელში, რათა საქართველოში ინვესტიციების ახალი ტალღა შემოვიდეს. ფორუმს, რომელიც მეგობრობის ჯგუფების ეგიდით ჩატარდება, დაესწრებიან, აგრეთვე, სხვადასხვა ქვეყნიდან საქმიანი წრეების წარმომადგენლები.
