პუტინმა 25-ჯერ დაარღვია ცეცხლის შეწყვეტის შესახებ შეთანხმება. ამიტომ ჩვენ არ მივიღებთ მხოლოდ ცეცხლის შეწყვეტის შეთანხმებას. ჩვენ გვინდა უსაფრთხოების გარანტიები. უსაფრთხოების გარანტიის გარეშე ცეცხლის შეწყვეტის შეთანხმებას აზრი არ აქვს... პუტინის სამხედროებს ჩვენი სამხედროების ეშინია, როცა ჩვენ ძლიერები ვართ. თუ ჩვენ იარაღი არ გვექნება, ჩვენ ვერ დავიცავთ ჩვენს ტერიტორიებს, - ამის შესახებ უკრაინის პრეზიდენტმა ვოლოდიმირ ზელენსკიმ დონალდ ტრამპთან შეხვედრისას განაცხადა..
„პუტინი პატივს არ სცემდა არავის უკრაინაში, მას სურს უკრაინის განადგურება და მართალი ბრძანდებით ბატონო პრეზიდენტო. შეიძლება ეს დოკუმენტი, ან სხვა დოკუმენტი კარგი დასაწყისია, მაგრამ არ იქნება საკმარისი, რომ ეს პიროვნება შევაჩეროთ, - აღნიშნა ზელენსკიმ.
მისი თქმით, პუტინმა დაიწყო ომი და მან უნდა გადაიხადოს.
„საუკუნეების მანძილზე ომის წესი იყო - ვინც იწყებდა ომს, ის იხდიდა ფასს, პუტინმა დაიწყო ომი, მან უნდა გადაიხადოს ფასი და აქ ფინანსებზეც არის ლაპარაკი, მაგალითად, რუსულ აქტივებზე რომელიც ევროპაშია, ჩვენ შეგვიძლია გამოვიყენოთ აღდგენისათვის, სამხედრო მხარდაჭერისთვის გადავუხადოთ ამერიკას, მაგრამ ეს საკმარისი არ არის..." - თქვა ზელენსკიმ. [სინქრონული თარგმანი]
