საბერძნეთის დედაქალაქ ათენში სარკინიგზო ავარიის ორი წლისთავთან დაკავშირებული საპროტესტო აქცია გაიმართა, რომელიც პოლიციასთან შეტაკებაში გადაიზარდა.
აქციის მონაწილეთა რაოდენობამ 180 000 ადამიანს გადააჭარბა. თავდაპირველად აქცია მშვიდობიანად მიმდინარეობდა, შემდეგ კი საპროტესტო აქციები ზოგან არეულობაში გადაიზარდა.
დემონსტრაციაში მონაწილე ეგრეთ წოდებული „შავი ბლოკის“ მემარცხენე რადიკალებმა პოლიციელების მიმართ აალებადი და სხვადასხვა ნივთის სროლა დაიწყეს. პოლიციამ ცრემლსადენი გაზით და ხმოვანი ყუმბარებით უპასუხა.
შეტაკებები დემონსტრანტებსა და პოლიციას შორის ასევე მოხდა სალონიკში. ბერძნული მედიის ცნობით, ტემპას ტრაგედიასთან დაკავშირებით აქციები და დემონსტრაციები გაიმართა საბერძნეთის 220 ქალაქში, ასევე საზღვარგარეთ 82 ქალაქში.
საპროტესტო აქციებში 300 000-ზე მეტი ადამიანი მონაწილეობდა.
ტემპაში სარკინიგზო ავარია 2023 წლის 28 თებერვალს მოხდა, რასაც 57 ადამიანი ემსხვერპლა.
