ისრაელში, ქალაქ არდეს ჰანა-კარკურის მახლობლად ავტობუსის გაჩერებაზე მყოფ ხალხში შევარდა. ისრაელური მედიის ცნობით, სულ მცირე, 14 ადამიანი დაშავდა.
აღნიშნულია, რომ ერთი დაშავებულის მდგომარეობა კრიტიკულია, ორის მდგომარეობა მძიმეა, დანარჩენი ორი კი საშუალო სიმძიმისა. დანარჩენებმა მსუბუქი დაზიანებები მიიღეს. ყველა მათგანი საავადმყოფოშია გადაყვანილი.
მედიის ცნობით, მანქანა ტროტუარზე გადავიდა, ადამიანთა ჯგუფს დაეჯახა, შემდეგ კიდევ რამდენიმე კილომეტრი გაიარა და პოლიციის მანქანას შეეჯახა. ორი პოლიციელი ცივი იარაღითაც დაჭრ.ა ამის შემდეგ თავდამსხმელმა გაქცევა სცადა, თუმცა სამართალდამცავებმა მალევე გაანეიტრალეს.
სამართალდამცველთა განცხადებით, ტერორისტი 50 წლის პალესტინელი კაცი იყო დასავლეთ სანაპიროდან, რომელიც ისრაელში არალეგალურად იმყოფებოდა.
