ამერიკული გამოცემა The Wall Street Journal წყაროებზე დაყრდნობით წერს, რომ უკრაინასა და შეერთებულ შტატებს შორის წიაღისეულის შესახებ შეთანხმება შესაძლოა შაბათს, 22 თებერვალს გაფორმდეს.
"შეთანხმების ხელმოწერა შესაძლებელია შაბათს, თუმცა ის ჯერ არ არის დასრულებული, განაცხადეს მოლაპარაკებების შესახებ ინფორმირებულმა წყაროებმა. ზუსტი ვადის დადგენა ვერ მოხერხდა," - წერს გამოცემა.
ანგარიშში აღნიშნულია, რომ კიევის მთავრობასთან დაახლოებულმა პირმა განაცხადა, რომ კიტ კელოგმა, აშშ-ის სპეციალურმა წარმომადგენელმა უკრაინასა და რუსეთში, "დიდი როლი" ითამაშა შეთანხმების პირობების დასრულებაში, "ზელენსკისთან და სხვა უკრაინელ ოფიციალურ პირებთან ნდობის დამყარებაში ქვეყნის დედაქალაქში სამდღიანი ვიზიტის დროს".
