შვედეთის ხელისუფლება ბალტიის ზღვაში წყალქვეშა კაბელის მორიგ შესაძლო დაზიანების ფაქტს იძიებს.
შვედეთის სანაპირო დაცვის განცხადებით, მორიგი ინციდენტი ქვეყნის სამხრეთ-დასავლეთ სანაპიროზე მოხდა, რაიონში, სადაც არაერთი მსგავსი ინციდენტი დაფიქისრდა ბოლო თვეების განმავლობაში.
ფინეთის სახელმწიფო სატელეკომუნიკაციო კომპანია Cinia-მ განაცხადა, რომ მან აღმოაჩინა C-Lion1 წყალქვეშა ოპტიკურ-ბოჭკოვანი კაბელის მცირე დაზიანება, რომელიც აკავშირებს ფინეთსა და გერმანიას, თუმცა კომპანიის განცხადებით, ეს გავლენას არ მოახდენს მის მუშაობაზე.
როგორც სანაპირო დაცვის სპიკერმა კარინ კარსმა AFP-ს განუცხადა, შვედეთის საგამოძიებო დეპარტამენტა დაიწყო წინასწარი გამოძიება.
მისი თქმით, სანაპირო დაცვის გემი მიემართება სავარაუდო დანაშაულის ადგილისკენ, რომელიც მდებარეობს შვედეთის კუნძულ გოთლანდის აღმოსავლეთით.
კარსის თქმით, დაზიანების ადგილი შვედეთის ეკონომიკურ ზონაშია.
