„წარმოიდგინეთ, საშუალო წარმატების მქონე კომიკოსმა ვოლოდიმირ ზელენსკიმ შეძლო, შეერთებული შტატები დაერწმუნებინა 350 მილიარდი დოლარი დაეხარჯა ომში, რომლის მოგებაც შეუძლებელია და რომელიც არასდროს უნდა დაწყებულიყო,“ – წერს აშშ-ის პრეზიდენტი დონალდ ტრამპი.
შეერთებული შტატების პრეზიდენტი აკრიტიკებს გაწეული დახმარების დისბალანსს ფინანსური კუთხით ევროპასა და აშშ-ს შორის.
„შეერთებულმა შტატებმა ევროპაზე 200 მილიარდი დოლარით მეტი დახარჯა, ევროპის ფული გარანტირებულია მაშინ, როცა შეერთებული შტატები უკან ვერაფერს მიიღებს. რატომ არ მოითხოვა მძინარა ჯო ბაიდენმა თანასწორობა, როცა ეს ომი გაცილებით მნიშვნელოვანია ევროპისთვის, ვიდრე ჩვენთვის – ჩვენ ხომ დიდი, ლამაზი ოკეანე გვაშორებს?“, – აღნიშნა დონალდ ტრამპმა.
ტრამპის მტკიცებით, „ზელენსკი აღიარებს, რომ გაგზავნილი თანხის ნახევარი დაკარგულია“.
„ის უარს ამბობს არჩევნების ჩატარებაზე, უკრაინულ გამოკითხვებში ძალიან დაბალ მაჩვენებელს აჩვენებს და ერთადერთი, რაც კარგად გამოსდიოდა, იყო ის, რომ ბაიდენით თამაშობდა, როგორც ვიოლინოთი.დიქტატორმა არჩევნების გარეშე, ზელენსკიმ სწრაფად უნდა იმოქმედოს, თორემ ქვეყნის გარეშე დარჩება. ამავდროულად წარმატებული მოლაპარაკებები გვაქვს რუსეთთან ომის შეწყვეტაზე, რაც, როგორც ყველა აღიარებს, მხოლოდ ტ რ ა მ პ ს და მის ადმინისტრაციას შეუძლია. ბაიდენს არასდროს უცდია, ევროპამ ვერ მოიტანა მშვიდობა, ხოლო ზელენსკის როგორც ჩანს სურს „ფინანსური ნაკადის“ შენარჩუნება. მე მიყვარს უკრაინა, მაგრამ ზელენსკიმ საშინლად იმუშავა, მისი ქვეყანა დანგრეულია, მილიონობით ადამიანი კი ტყუილად დაიღუპა“, - წერს ტრამპი.
