უკრაინის პრეზიდენტმა ვოლოდიმირ ზელენსკიმ საუდის არაბეთში ვიზიტი მარტამდე გადადო, რუსეთ-აშშ-ის მოლაპარაკებების კონტექსტში, რომელიც 18 თებერვალს ერ-რიადში გაიმართა.
ამის შესახებ ზელენსკიმ თურქეთში ერდოღანთან ერთობლივ პრესკონფერენციაზე განაცხადა.
ჟურნალისტმა რუსეთსა და შეერთებულ შტატებს შორის მიმდინარე მოლაპარაკებებზე შეკითხვა დაუსვა და აღნიშნა, რომ ოთხშაბათს რუსული დელეგაცია მოსკოვში გამგზავრებას გეგმავს, ამერიკელები კი საუდის არაბეთში დარჩენას.
ჟურნალისტი დაინტერესდა აპირებდა თუ არა ზელენსკი ამერიკელ პარტნიორებთან შეხვედრას საუდის არაბეთში 19 თებერვალს ვიზიტის დროს.
როგორც უკრაინის პრეზიდენტის პასუხიდან გაირკვა, ეს ვიზიტი გადაიდო და ამერიკულ დელეგაციასთან შეხვედრები უკრაინის დედაქალაქში გაიმართება.
„საუდის არაბეთში ამ რუსულ-ამერიკულ შეხვედრაზე არ მიგვიწვიეს, ეს ჩვენთვის მოულოდნელი იყო, მედიიდან მივიღეთ ინფორმაცია... ჩვენ გვინდა, რომ არავინ არაფერი გადაწყვიტოს ჩვენს ზურგს უკან.
მე ვფიქრობ, რომ ეს სამართლიანია.
თქვენ შეგიძლიათ ისაუბროთ იმაზე, რაც გსურთ, მაგრამ უკრაინის გარეშე ვერ მიიღებთ გადაწყვეტილებას, როგორ დაასრულოთ ომი უკრაინაში. საუდის არაბეთში არ წავალ. ჩვენ დავუკავშირდით ჩვენს პარტნიორებს.
მე მაქვს კარგი ურთიერთობა ტახტის მემკვიდრე პრინც მუჰამედთან. ჩვენ ახლახან დავუკავშირდით და შევთანხმდით, რომ 10 მარტს ოფიციალურ ვიზიტით ვიქნები [საუდის არაბეთში]. შეერთებულ შტატებს კი ჩვენ ველოდებით კიევში,” - განაცხადა ზელენსკიმ.
