უკრაინის ირგვლივ არსებული კრიზისის მოსაგვარებლად ჩრდილოატლანტიკურმა ალიანსმა არა მხოლოდ უარი უნდა თქვას უკრაინის ალიანსში მიღებაზე, არამედ უარყოს 2008 წლის ბუქარესტის სამიტის გადაწყვეტილება, რომლის თანახმადაც, უკრაინა მომავალში ჩრდილოატლანტიკური ალიანსის წევრი გახდება. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.
„ჩვენთვის მიუღებელია უკრაინის ნატო-ში გაწევრიანება. ამავდროულად, ნატოში კიევის მიღებაზე უარის თქმა არ არის საკმარისი. ალიანსმა უარი უნდა თქვას 2008 წლის ბუქარესტის დაპირებაზე, რომლის თანახმადაც უკრაინა მომავალში ჩრდილოატლანტიკურ ბლოკის წვერი გახდება“, - განაცხადა ზახაროვამ ბრიფინგზე.
„წინააღმდეგ შემთხვევაში, ეს პრობლემა გააგრძელებს ატმოსფეროს მოწამვლას ევროპის კონტინენტზე“, - თქვა ზახაროვამ.
