უკრაინა არ იცოდა საუდის არაბეთში მოლაპარაკებების შესახებ მიღებულ შეთანხმებებს ოფიციალური კიევის მონაწილეობის გარეშე. ამის შესახებ უკრაინის პრეზიდენტმა ვოლოდიმირ ზელენსკიმ ჟურნალისტებს განუცხადა.
„უკრაინა არ მიიღებს [მონაწილეობას]. უკრაინამ ამის შესახებ არაფერი იცოდა. და კიევი უკრაინის გარეშე ნებისმიერ მოლაპარაკებას განიხილავს [ისეთად], რომელსაც შედეგი არ აქვს. და ჩვენ ვერ ვაღიარებთ რაიმე მოვლენას ან რაიმე შეთანხმებას ჩვენს გარეშე. და ჩვენ არ ვაღიარებთ ასეთ შეთანხმებებს“, - განაცხადა ზელენსკიმ.
ზელენსკიმ დასძინა, რომ ამის შესახებ ადრეც ლაპარაკობდნენ, მაგრამ მხოლოდ ახლა დაიწყეს ამაზე საჯაროდ საუბარი.
უკრაინის პრეზიდენტის თქმით, მის ოფიციალურ ვიზიტს საუდის არაბეთში, რომელიც 18 თებერვალს შედგება, „არავითარი კავშირი არ აქვს იმასთან, რაც ხდება საუდის არაბეთში აშშ-ისა და რუსეთის წარმომადგენლების დონეზე“.
ზელენსკიმ დასძინა, რომ მოლაპარაკებების შესახებ ჯკითხავს საუდის არაბეთის მემკვიდრე პრინცს და პრემიერ-მინისტრ მოჰამედ ბინ სალმანს.
უკრაინის პრეზიდენტმა ასევე განაცხადა, რომ ვიზიტის დროს დააყენებს ნავთობის ფასების შემცირების საკითხს და მიიჩნევს, რომ აშშ-ს პრეზიდენტს დონალდ ტრამპს შეუძლია ამის გაკეთება.
"არ ვიცი, ვინ შეძლებს ფასების დაწევას. მე ვფიქრობ, რომ პრეზიდენტ ტრამპს აქვს ამის ყველაზე დიდი რესურსი, რომ ის არის ყველაზე ძლიერი ამ სფეროში ენერგეტიკაში. მე ვფიქრობ, რომ თუ ის დაისახავს მიზანს, შეძლებს ამის გაკეთებას," - განაცხადა ზელენსკიმ.
