დევნილთა სამოქალაქო მოძრაობის თანათავმჯდომარემ დავით მალაზონიამ პატრიარქთან შეხვედრა შეძლო. ამის შესახებ მალაზონიამ "ჯი-ეიჩ-ენთან" საუბრისას განაცხადა.
მალაზონიას თქმით, გუშინ სამების საკათედრო ტაძარში, წირვის შემდეგ, საქართველოს კათოლიკოს-პატრიარქს, უწმინდესსა და უნეტარესს ილია მეორეს საკუთარი კოორდინატები გადასცა. პატრიარქმა კი მას ტელეფონის საშუალებით დაკავშირება აღუთქვა.
შეგახსენებთ, 23 იანვარს პარლამენტის წინ გამართულ საპროტესტო აქციაზე დევნილთა სამოქალაქო მოძრაობის წევრებმა განაცხადეს, რომ 10 კაციანი შემადგებლობით უწმინდესთან მისვლასა და დევნილთა გასახლების პროცესის შეჩერებას აპირებდნენ.
