ფინანსური პირამიდა "МММ"-ის შემქმნელი სერგეი მავროდი აცხადებს, რომ აპირებს ახალი ფინანსური პირამიდა შექმნას, ფინანსური აპოკალიფსი მოაწყოს და მსოფლიოს ახლანდელი სისტემა უნდა დაანგრიოს.
"მინდა მსოფლიო ფინანსური სტრუქტურა დავანგრიო. მიმაჩნია, რომ იგი არასამართლიანია", _ განაცხადა მავროდიმ ტელეარხ "ენ-ტე-ვე"-ზე საუბრისას, მაშინ როდესაც თავისი გეგმების შესახებ საუბრობდა.
მავროდიმ, რომლის ფინანსური პირამიდის მსხვერპლი 1990-იანი წლების დასაწყისში მილიონობით მოანაბრე გახდა, ციხეში თაღლითობისათვის იჯდა, 2010 წლის დასაწყისში ახალი პროექტის დაწყების შესახებ განცხადება გააკეთა, რომლის მონაწილეებსაც თვეში 20 %, პენსიონერებს 30 % დაპირდა ხოლო წლიური შემოსავალი, მისი თქმით 240-360 % იქნება. მავროდი აცხადებს, რომ ახალი პროექტი "МММ-2011" მუშაობას ელექტრონული გადახდების სისტემის გამოყენებით შეძლებს.
"მინდა ფინანსური აპოკალიფსის მოწყობა და მე მას მოვაწყობ და ეს იქნება ყველგან. შტატებშიც - მე უკვე მომდის წინადადებები სხვათაშორის ყველა ქვეყნიდან: შტატებიდან, ისრაელიდან, ინდოეთიდან - "დახმარეთ ინდოელ ხალხს", სრულიად სერიოზულად ვსაუბრობ. ეს სისტემა იქნება ყველგან. ეს ხომ ინტერნეტია და აქ საზღვრები არ არის", _ განაცხადა მავროდიმ.
"ამის შემდეგ მე ჩემი პროგრამის მეორე ნაწილზე გადავალ. ჯერ პირველია. მეორეს კი თავად ნახავთ. როდესაც დავიწყებ ჩვენებას ნახავთ", _ განაცხადა მან.
მანამდე კი მავროდიმ განაცხადა, რომ პატიოსნად აფრთხილებს თავის მეანაბრეებს რისკების შესახებ და რომ მას "12 შერყევა" აქვს და ადამიანებს მოუწოდა ნუ მიუტანენ მას თავის ფულს.
აღსანიშნავია, რომ რუსეთის საზოგადოებრივი აზრის კვლევითი ცენტრის გენერალური დირექტორი ვალერი ფიოდოროვი აცხადებს, რომ მავროდის ახალ ფინანსურ პირამიდაში მონაწილეობაზე რუსეთის 15 % თანხმობას აცხადებს.