პარტია “გახარია საქართველოსთვის” “ნეტგაზეთისა” და “ბათუმელების “დამფუძნებლიs, მზია ამაღლობელის საავადმყოფოში გადაყვანას ითხოვს. ამის შესახებ პარტიის პოლიტსაბჭოს წევრმა, ტატა ხვედელიანმა განაცხადა.
მისი განცხადებით, მზია ამაღლობელი უკანონო პატიმარია და მის მიმართ სისხლის სამართლის დევნა უსამართლო და არაპროპორციულია.
"ჯანდაცვისა და იუსტიციის მინისტრებს მივმართავთ: მზია ამაღლობელი სასწრაფოდ გადაიყვანეთ საავადმყოფოში და მისი მდგომარეობის შესახებ ინფორმაცია საზოგადოებას გვაცნობეთ. ასევე, მივმართავთ ქართული ოცნების ე.წ. ხელისუფლებას: მოვითხოვთ, მზია ამაღლობელი და სინდისის ყველა პატიმარი, რომელიც დღეს ივანიშვილის მძევალია, უპირობოდ გათავისუფლდეს". - თქვა ხვედელიანმა პარტიის ოფისში გამართულ ბრიფინგზე.
მზია ამაღლობელი მე-17 დღეა, ციხეში შიმშილობს.
