რუსეთთან ტყვეების გაცვლის შედეგად უკრაინამ 189 მოქალაქე დაიბრუნა. ამის შესახებ უკრაინის პრეზიდენტი ვოლოდიმრი ზელენსკი ტელეგრამ-არხზე წერს.
„რუსული ტყვეობიდან ჩვენი ხალხის დაბრუნება ყოველთვის ძალიან კარგი ამბავია და დღეს ერთ-ერთი ასეთი დღეა: ჩვენმა გუნდმა მოახერხა 189 უკრაინელის სახლში დაბრუნება.
ესენი არიან სამხედროები - აზოვსტალისა და მარიუპოლის, ჩერნობილის ატომური ელექტროსადგურის, კუნძულის ზმეინის დამცველები ფრონტის სხვადასხვა მიმართულებიდან. მათ შორის არიან ჯარისკაცები, სერჟანტები და ოფიცრები.
ესენი არიან ეროვნული გვარდიელები, მათ შორის „აზოველები“, მესაზღვრეები, ტერიტორიიული თავდაცვის ძალები, საზღვაო ძალების და შეიარაღებული ძალების ჯარისკაცები.
და ასევე ორი მშვიდობიანი მოქალაქე, რომლებიც ტყვედ ჩავარდნენ მარიუპოლში. თოთეულს ნათესავები და მეგობრები სახლში ელოდებიან. და სასიხარულოა, რომ ჩვენ მოვახერხეთ მათი დაბრუნება. დღეს კიდევ 189 ოჯახია ბედნიერი“, - წერს ზელენსკი.
