საქართველოს ტერიტორიებთან მიმართებაში ტერმინი ოკუპაცია საერთაშორისო არენაზე შეუქცევადად მკვიდრდება. ამის შესახებ ევროპასთან ინტეგრაციის საპარლამენტო კომიტეტის თავმჯდომარემ დავით დარჩიაშვილმა ევროპარლამენტის მიერ მიღებული რეზოლუციის შეფასებისას განაცხადა.
"ევროპარლამენტი ევროკავშირის მნიშვნელოვანი სტრუქტურაა, ამიტომ მათ მიერ რეზოლუციაში ტერმინ ოკუპაციის ჩაწერა ხელს უწყობს სამართლებრვი შეფასების დამკვიდრებას. ეს ტერმინი საერთაშორისო ლექსიკონში შუქცევადად მკვიდრდება და ამით ქვეყნის დეოკუპაციისთვის საერთაშორისო პოლიტიკური და სამართლებრივი ნიადაგი იქმნება", - აღნიშნა დარჩიაშვილმა.
შეგახსენებთ, რომ ევროპარლამენტმა შავი ზღვის ქვეყნებთან დაკავშირებით სტრატეგია დაამტკიცა. ეს არის ორგანიზაციის პირველი დოკუმენტი, სადაც ცხინვალის რეგიონსა და აფხაზეთთან მიმართებაში სიტყვა ოკუპაცია ჩაიწერა.
