საქართველოს პარლამენტის შენობის წინ კარვების გაშლის სამზადისი უკვე დაწყებულია. როგორც ოპოზიციის წარმომადგენლები ალეკო შალამბერიძე და ლაშა ჩხარტიშვილი აცხადებენ, მათ ყველანაირი უფლება აქვთ კანონით, რომ კარვები გაშალონ და პროტესტის ამ ფორმას მიმართონ.
კარვების გაშლა პარლამენტის წინ სავარაუდოდ დღეს ან ხვალ დასრულდება. ჩხარტიშვილისა და შალამბერიძის თქმით, პარლამენტის წინ დადგმულ კარვებში ხალხი მორიგეობით იქნებან.
აქცია ამ წუთებშიც მიმდინარეობს. როგორც აქციის მონაწილეები აცხადებენ, ისინი არ აპირებენ დაშლას, სანამ მათი მოთხოვნები არ იქნება გათვალისწინებული. მათი მოთხოვნები კი არის ის, რომ შეწყდეს დევნილთა გასახლება თბილისიდან და სახელმწიფომ დააკმაყოფილოს ალტერნატიული ფართით და სამუშაო ადგილებით თბილისში.
