"ახალი მემარჯვენეები" დევნილების გამოსახლებას აპროტესტებენ. როგორც დღეს გამართულ პრესკონფერენციაზე "ახალი მემარჯვენეების" ერთ-ერთმა ლიდერმა მანანა ნაჭყებიამ აღნიშნა, ხელისუფლება დევნილებს ძალადობრივი გზით ასახლებს, რის გამოც ეს ადამიანები კვლავ საცხოვრებელი ადგილების გარეშე დარჩნენ.
"მივიჩნევთ, რომ ამ მხრივ სანიმუშო იყო ის ფაქტი, როდესაც "ივერიის" მფლობელმა დევნილებს გარკვეული თანხა გადასცა და ამ თანხით, დევნილებმა თვითონ განსაზღვრეს, სად შეეძინათ ბინები", - აღნიშნა ნაჭყებიამ.
მისივე შეფასებით, დაუშვებელია დევნილების იმ ადგილებში ჩასახლება, სადაც მათ არც მუშაობის და არც საცხოვრებელი პირობების მოწყობის საშუალება არა აქვთ.
