"თავისუფალი დემოკრატების" წევრმა და პარლამენტის დეპუტატმა გია ცაგარეიშვილმა დევნილების დღევანდელ გამოსახლებას ვანდალური ფაქტი უწოდა. მისი შეფასებით, ეს კარგად დაგეგმილი სამხედრო ოპერაცია იყო.
"ხელისუფლების მხრიდან დევნილების მიმართ ისევ გრძელდება ძალადობრივი ქმედებები. მოგეხსენებათ, რომ დღეს დილის 7 საათზე დაადგა პოლიცია ბაგებში და ორხევში მცხოვრებ დევნილებს და ვანდალურად გამოყარა საცხოვრებელი ადგილებიდან. ისინი გადაყავთ ფოცხოში და ეწერში, სადაც არანაირი პირობები არ არის იმისათვის, რომ ეს ხალხი დასაქმდეს და ნორმალურად იცხოვროს. ეს იყო კარგად დაგეგმილი სამხედრო ოპერაცია", - განაცხადა ცაგარეიშვილმა პარლამენტის წინ საპროტესტო აქციის დაწყებამდე.
შეგახსენებთ, რომ დღეს ბაგებში და ორხევში მცხოვრები დევნილები გამოასახლეს.
