საქართველოს პრეზიდენტმა მიხეილ სააკაშვილმა სიღნაღში ახლად გახსნილი სასტუმრო "სოლომონი 1805" დაათვალიერა.
"ოთხი წლის წლის წინ მე გამოვაცხადე, რომ სიღნაღში დავიწყებდით დიდ აღორძინებას და ახლა უკვე აღარც კი გვახსოვს, რომ მანამდე აქ იყო სრულიად უსახური, უიმედოობით მოცული პატარა ქალაქი, რომელსაც მაცხოვრებელები ტოვებდნენ", - აღნიშნა სააკაშვილმა.
მისივე შეფასებით, როდესაც საქართველოს წინაშე ბევრი გამოწვევა დგას (უკიდურესად მოიმატა ფასებმა მსოფლიო ბაზარზე, საწვავი გაძვირდა, საკვები და ელემენტარული მოხმარების საგნები ძვირდება), ხელისუფლების მთავარი მიზანი სოფლის მეურნების პროდუქციის გაზრდაა.
"ჩვენი მიზანია ხალხი დასაქმდეს, რომ შესძლონ გაძვირებული პროდუქციის ყიდვა. დასაქმების ერთ-ერთი საშულება კი არის ტურიზმის განვითარება ქვეყნაში. თემურ ჭყონიამ გააკეთა ქობულეთში მაღალი დონის სასტუმრო, ახლა სიღნაღში გააკეთა და მესტიაში იწყებს კიდევ სასტუმროს მშენებლობას. ყოველი ასეთი სასტუმროს აშენება კი ნიშნავს დასამებულ ადამიანებს", - აღნიშნა პრეზიდენტმა.
პრეზიდენტის თქმით, სიღნაღში რაც შეიცვალა, ეს არის ის, რომ ყოველ ოჯახს გაუჩნდა შემოსავალი, ერთი დასაქმებული ადამიანი.
"ამ ხალხისთვის სოციალური პრობლემები რა თქმა უნდა მტკივნეულია, მაგრამ ისე ძლიერად აღარ, როდესაც მათ საერთოდ არ ჰქონდათ შემოსავალი და მხოლოდ საკუთარი თავის იმედზე იყვნენ", - განაცხადა პრეზიდენტმა სააკაშვილმა.
მისივე ინფორმაციით, ახალი სასტუმრო პროკურატურის ყოფილ შენობაში მოეწყო, რაც სიმბოლურია, რადგან ადრე თუ "პროკურატურა შედიოდა ბიზნესების წილში ახლა კერძო ბიზნესი შევიდა პროკურატურაში".
სიღნაღის ახალი სასტუმრი "სოლომონი 1805" "ჭყონია ჰოლდიგნ გჯუფის" მიერ აშენდა.