პარლამენტის შენობის წინ დევნილთა საპროტესტო აქცია იწყება. აქციაზე არიან საცხოვრებელი ფართებიდან სხვადასხვა დროს გამოსახლებული დევნილები, ასევე, კონსერვატიული პარტიის ერთ-ერთი ლიდერი და აქციის ორგანიზატორი ლაშა ჩხარტიშვილი.
როგორც ჩხარტიშვილმა "ჯი-ეიჩ-ენთან" საუბარში განაცხადა, დღეს დილით ბაგებში მდებარე რამდენიმე კორპუსიდან გამოსახლებისას დაკავებული დევნილებიდან მხოლოდ ორზე აქვთ ინფორმაცია. კერძოდ, კი, სად იმყოფებიან ისინი.
მისი თქმით, დაკავებულები არიან დევნილები_ ბელა ხერგიანი და ჯულიეტა ცინდელიანი. როგორც ჩხარტიშვილს იურისტთა ასოციაციიდან აცნობეს, დაკავებულები ადმინისტრაციულ სასამართლოში გადაჰყავთ.
ჩხარტიშვილის თანაპარტიელის გია ყრუაშვილის, დევნილთა სამოქალაქო მოძრაობის ლიდერის სიგუასა და ორი დევნილის ადგილსამყოფელი ამჟამად უცნობია.
აქციაზეE შეკრებილი დევნილები გამოსახლების ფორმას აპროტესტებენ.
