მაკრონმა ივანიშვილს დაურეკა, როგორც საქართველოში დიქტატურაზე პასუხისმგებელ საფრანგეთის მოქალაქე რუს ოლიგარქს, - ამის შესახებ პარტია “გახარია საქართველოსთვის“ ერთ-ერთი ლიდერი ნათია მეზვრიშვილი წერს.
„მაკრონის ზარი ივანიშვილთან (და არა კობახიძესთან) ნიშნავს, რომ საქართველოს მთავრობას (როგორც არალეგიტიმურს) არ აღიარებენ. მაკრონმა ივანიშვილს დაურეკა, როგორც საქართველოში დიქტატურაზე პასუხისმგებელ საფრანგეთის მოქალაქე რუს ოლიგარქს. ყველაფერი მიდის გეგმაზომიერად - ძალიან ცუდად ოცნებისთვის და ძალიან კარგად ქვეყნისთვის და ხალხისთვის“.
საფრაგნეთის პრეზიდენტის ადმინისტრაციამ გაავრცელა ინფორმაცია, რომლის თანახმად, ემანუელ მაკრონმა სატელეფონო საუბრისას, ივანიშვილს პროევროპულ აქციაზე დაკავებული მოქალაქეების გათავისუფლებისკენ მოუწოდა. ასევე დაგმო პოლიციის ძალადობა.
