ინფრასტრუქტურისა და რეგიონალური განვითარების მინისტრი რამაზ ნიკოლაიშვილი ამერიკის შეერთებულ შტატებში ვიზიტს აგრძელებს.
ვიზიტის ფარგლებში ნიკოლაიშვილი დსთ-ის ქვეყნებსა და ევროპაში გაეროს განვითარების რეგიონალური ბიუროს ხელმძღვანელს კორი იუდოვიჩი შეხვდა.
შეხვედრაზე განსაკუთრებული აქცენტები 2008 წლის აგვისტოს ომის დროს დაზიანებული ინფრასტრუქტურის აღდგენასა და რეაბილიტაციაზე გამოყოფილ თანხაზე გაკეთდა.
"მნიშვნელოვანი შეხვედრა იყო გაეროს გენერალური მდივნის თანაშემწესთან. დიდი მნიშვნელობა ჰქონდა მათი მხრიდან 2008 წელს აგვისტოს ომის შემდეგ საქართველოსთვის სწრაფი დახმარების მიღებას", - აღნიშნა მინისტრმა.
ამასთან, გაეროში საქართველოს მუდმივი წარმომადგენლის კახა ლომაიას განაცხადებით, შეხვედრაზე ასევე საუბარი შეეხო ადგილობრივ თვითმართველობის ორგანოებისთვის დახმარების გაწევის საკითხებსაც.