ხვალ, 26 ნოემბერს, ბაზალეთის სასტუმრო კომპლექსში კიდევ ერთი ახალი პროექტი განხორციელდება. გაიხსნება გასართობი ცენტრი, სადაც შესაძლებელია იქნება 350-მდე სტუმრის განთავსება და მათთვის სხვადასხვა სახის ღონისძიებების მოწყობა. ბაზალეთის სასტუმრო კომპლექსის გასართობი ცენტრი არის შესანიშნავი ადგილი კონცერტის, დისკოთეკის, კინოჩვენების, დეფილეების და სხვადასხვა ჟანრისა და მიმართულების ფესტივალის მოსაწყობად.
იმის გამო, რომ ივენთის შემდეგ უპრობლემოდ შეიძლება ასობით ადამიანის ერთდროული სასტუმრო განთავსება, ბაზალეთის სასტუმრო კომპლექსის გართობის ცენტრი ორმაგად მოხერხებულია მათთვის, ვინც ასეთი ივენთების ჩატარებას ქალაქგარეთ გეგმავს.
ბაზალეთის სასტუმრო კომპლექსის გართობის ცენტრი მუდმივად შესთავაზებს კომპლექსის სტუმრებს უიქ-ენდის გასართობ პროგრამებს. დამსვენებელებისთვის პერიოდულად გაიმართება დისკოთეკები, კონცერტები, კინოჩვენებები და სხვა.
სამომავლოდ ბაზალეთის სასტუმრო კომპლექსში კვლავაც გაგრძელდება ახალ პროექტებზე მუშაობა. დამთავრდება დახურული საცურაო აუზების მშენებლობა, მომავალი ზაფხულისთვის დაგეგმილია გამაჯანსაღებელი სპა-ცენტრის გახსნა, ასევე ბოულინგისა და სპორტული დარბაზების მშენებლობის დასრულებაც.
