"კოალიცია ცვლილებისთვის" ერთ ერთი ლიდერის, ზურაბ ჯაფარიძის განცხადებით, ყველა წინასწარი მონაცემი აჩვენებს, რომ "ქართული ოცნება" მარცხდება.
"ამის თქმა მინდა დიდი ხანია - ოცნება დამარცხდა, ეგენი გადადიან ოპოზიციაში, ყველა წინასწარი მონაცემი რომელიც ჩვენ გვაქვს, აჩვენებს, რომ ოთხივე ოპოზიციური მსხვილი ჯგუფი ლახავს ბარიერს და შესაბამისად, ჯამში ჩვენ შევქმნით უმრავლესობას მომავალ პარლამენტში და შემდეგ დავაკომპლექტებთ მთავრობას. ყველა წინასწარი მონაცემი აჩვენებს, რომ გამოცხადება არის ძალიან მაღალი, მაგრამ ჯერ კიდევ არის დარჩენილი დრო. ჩვენ უნდა გავიფორმოთ ჯერ ეს გამარჯვება. დარჩენილია 1 საათი, სანამ უბნები დაიხურება" აღნიშნა ჯაფარიძემ.
