დარჩელის თხილის ქარხანა, რომელიც რომელიც 2017 წელს ზარზეიმით გახსნა "ქართულმა ოცნებამ" და სადაც ადგილობრივები უნდა დასაქმებულიყვნენ, დღეს მიტოვებული და გაძარცულია, - ამის შესახებ "ერთიანობა ნაციონალური მოძრაობის" ზუგდიდის ორგანიზაციის თავმჯდომარემ ანა წითლიძემ განაცხადა
მისი თქმითმ შენობის აშენებისთვის 2 მილიონი ლარი დაიხარჯა, 500.000 ლარით კი დანადგარები შეიძინეს.
"მაშინ როცა ამ დრომდე დაკავებული ჰყავთ თბილისის საკრებულოს წევრი ირაკლი ეძგვერაძე, მაშინ როდესაც რამდენიმე დღის წინ, "ქართული ოცნების" დელეგატის დათო კოდუას მამა თავს დაესხა დარჩელის შტაბს და ახალგაზრდა გოგოებს აკუწვით ემუქრებოდა, მინდა გაჩვენოთ, რატომ უნდა მივიდეს ყველა 26 ოქტომბერს არჩევნებზე და რატომ უნდა გადავირჩიოთ "ქართული ოცნება", რომლის ერთადერთი მიზანი საკუთარი ძალაუფლების შენარჩუნებაა, რათა საქართველოს მოქალაქეების ხარჯზე, მოპარული მილიონები შეინახონ და საკუთარი შვილები სიმდიდრეში აცხოვრონ, თქვენი შვილები კი გააქციონ ემიგრაციაში და აცხოვრონ სიღარიბეში.
რამდენიმე დღის წინ "ქართული ოცნების" დელეგატმა დათა კოდუამ "ფეისბუქზე" დაწერა, რომ ააშენეს ევროსტანდარტებით აღჭურვილი თხილის საშრობი და ადგილობრივები დავასაქმეთო. სადაც ახლა მე ვარ, ეს სწორედ დარჩელში მდებარე ის საშრობია, რომელზეც ბატონი კოდუა ამბობდა და რომელიც 2017 წელს ზარზეიმით გახსნა "ქართულმა ოცნებამ", სოფლის მეურნეობის მინისტრმა და რომელმაც გვითხრა, რომ ეს იქნებოდა საშრობი, თხილის ქარხანა და რომელიც დაასაქმებდა ადგილობრივებს. ეს ქარხანა სახელმწიფო ფულით აშენდა, მასში 2 მილიონი დაიხარჯა და დღეს მიტოვებული და გაძარცულია. ამას გარდა, 500.000 ლარის ღირებულების დანადგარები, რომელიც სახელმწიფო ფულითაა შესყიდული, შენობიდან გატანილი და გაძარცულია და მთელმა ზუგდიდმა იცის, ვინ არიან ადამიანები, ვინც ამ შენობის გაძარცვაში მონაწილეობდნენ. მინდა მივმართო პრემიერ-მინისტრს: როცა ხალხს ატყუებთ მოგონილი შეთქმულების თეორიებით, ხელი მოკიდეთ თქვენს დელეგატს დათა კოდუას, ჩამობრძანდით ზუგდიდში, ჟურნალისტებთან ერთად შევიდეთ ამ შენობაში და ზუგდიდელებს აუხსენით, რატომ ჩაიყარა წყალში 2 მილიონი, ვინ მოიპარა ხალხის ფული, ვინ არის ადამიანი, ვინც გაძარცვა ეს შენობა, გაიტანა 500.000 ლარის დანადგარები და რატომ არავინ აგო ამაზე პასუხი? - აცხადებს "ერთიანობა ნაციონალური მოძრაობის ზუგდიდის ორგანიზაციის თავმჯდომარე ანა წითლიძე ბრიფინგზე, რომელიც მან დარჩელში გამართა.
