უკრაინის ექს-პრეზიდენტის ვიქტორ იუშჩენკოს ხელმოწერილი ბრძანება სტეპან ბანდერასათვის უკრაინის გმირის წოდების მინიჭების შესახებ ბათილად აღიარეს.
ეს ინფორმაციას უკრაინის პრეზიდენტის საიტზე გაჩნდა. ამასთან ერთად მითითებული არ არის როდის, რომელმა სასამართლომ და ვისი სარჩელის საფუძველზე მიიღო ეს გადაწყვეტილება. ინფორმაციას ამის შესახებ "პოდრობნოსტი" ავრცელებს.
შეგახსენებთ, რომ 2010 წლის 22 იანვარს უკრაინის პრეზიდენტმა ვიქტორ იუშჩენკომ უკრაინელი ნაციონალისტების ორგანიზაციის ლიდერს სტეპან ბანდერას უკრაინის გმირის წოდება მიანიჭა.
2 აპრილს დონის საოლქო ადმინისტრაციულმა სასამართლომ ბანდერას დაჯილდოების შესახებ ბრძანებულება მართლსაწინააღმდეგოდ და გაუქმებისათვის შესაძლებლად აღიარა და თავისი გადაწყვეტილება იმით ახსნა, რომ გმირის წოდება შეიძლება მხოლოდ უკრაინის მოქალაქეს მიენიჭოს, ბანდერა კი 1959 წელს გარდაიცვალა უკრაინული სახელმწიფოს შექმნამდე.
