24 ივლისის ვაჭრობის შედეგად ქართული ეროვნული ვალუტა აშშ დოლართან მიმართებით გამყარდა. დოლარის ცვლილებამ 0.90 თეთრი შეადგინა და დოლარის ოფიციალური ღირებულება 2.7152 ლარია.
საქართველოს ეროვნული ბანკის ინფორმაციით, ეროვნული ვალუტა ევროსთან მიმართებით 1.33 თეთრით გამყარდა, რის შედეგადაც ერთი ევროს ოფიციალური ღირებულება 2.9446 ლარი გახდა.
0.73 თეთრით გამყარდა ლარი გირვანქა სტერლინგთან (GBP), რომლის ფასი 3.5045 ლარი გახდა.
ლარი ლირასთან მიმართებით გამყარდა და თურქული ლირას კურსმა 8.26 თეთრი შეადგინა.
