საპროტესტო აქციის მონაწილეები მსვლელობით "ქართული ოცნების" ოფისთან მივიდნენ.
მათ ხელისუფლებას რუსული კანონის უკან გაწვევისკენ კიდევ ერთხელ მოუწოდეს.
ასევე „ქართული ოცნების“ ოფისთან შეკრებილებმა მიმართეს ოპოზიციურ პარტიებს და პოლიტიკური ინტერესების გვერდზე გადადებისა და გაერთიანებისკენ მოუწოდეს.
"თქვენ ვალდებული ხართ გაერთიანდეთ, ვალდებულები ხართ რაღაც ინტერესები დათმოთ ქვეყნის ინტერესებისთვის, თქვენ უნდა გვემსახურებოდეთ ჩვენ - ხალხია წყარო ძალაუფლების, ასე, რომ ყველა პოლიტიკურ პარტიას გთხოვთ, გაერთიანდეთ ამ ქვეყნის მომავლისთვის, დათმოთ თქვენი კონკრეტული პოლიტიკური ინტერესები იმიტომ, რომ თუ თქვენ ეს არ გამოგივათ, თქვენ დაკარგავთ მომავალს და ამ ქვეყანაში თქვენი პოლიტიკური პარტიების არსებობა შეწყდება. ამიტომ უბრალოდ კრიტიკულ მომენტში მაინც შევძლოთ ქართველებმა გაერთიანება,“ - განაცხადა აქციის ერრთ-ერთმა ორგანიზატორმა ზვიად ცეცხლაძემ.