საქართველოს პრეზიდენტის ადმინისტრაციაში აცხადებენ, რომ სალომე ზურაბიშვილმა აზერბაიჯანელ კოლეგას, ილჰამ ალიევს საპრეზიდენტო არჩევნებში გამარჯვება ოფიციალური წერილით მიულოცა. იუწყება პირველი არხი.
მათივე განცხადებით, სალომე ზურაბიშვილის წერილი 9 თებერვლით თარიღდება.
„საქართველოს პრეზიდენტმა, აზერბაიჯანის პრეზიდენტს, როგორც ყველა მეგობარი და პარტნიორი ქვეყნის პრეზიდენტს, ოფიციალური წერილით მიულოცა პრეზიდენტის პოსტზე არჩევა“, – აცხადებენ პრეზიდენტის პრესსამსახურში.
აზერბაიჯანში საპრეზიდენტო არჩევნები 8 თებერვალს გაიმართა.
