საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი მომავალ კვირას ოფიციალური ვიზიტით ჩინეთს ეწვევა.
როგორც ევროკავშირის საგარეო პოლიტიკური უწყების ხელმძღვანელის პრესსპიკერმა, პიტერ სტანომ განაცხადა, ბორელი ჩინეთს 13-დან 15 აპრილამდე ეწვევა.
საფრანგეთის პრეზიდენტი ემანუელ მაკრონი და ევროკომისიის პრეზიდენტი ურსულა ფონ დერ ლაიენი ამჟამად ჩინეთში იმყოფებიან და მოუწოდებენ პეკინს გამოიყენოს თავისი გავლენა რუსეთზე, უკრაინაში ომის დასასრულებლად.
