უკრაინის პრეზიდენტი 5 აპრილს, ოფიციალური ვიზიტით პოლონეთში ჩავიდა. ინფორმაციას უკრაინული მედია ავრცელებს.
ზელენსკი პოლონეთში მეუღლესთან ერთად გაემგზავრა. ეს არის პირველი შემთხვევა, როდესაც სრულმასშტაბიანი ომის დაწყების შემდეგ პრეზიდენტის ვიზიტი მანამდე დააანონსდა.
პოლონეთის პეზიდენტის ადმინისტრაციაში განაცხადეს, რომ ანჯეი დუდა და ვოლოდიმირ ზელენსკი მოლაპარაკებებს გამართავენ, რის შემდეგაც გაიმართება დელეგაციების შეხვედრები.
პოლონური მხარის განცხადებით მოლპარაკებები შეეხება პოლონეთ-უკრაინის ურთიერთობების მთლიან სპექტრს, მათ შორის უსაფრთხოების პოლიტიკასთან დაკავშირებით.
მოგვიანებით დაგეგმილია ანჯეი დუდასა და ვოლოდიმირ ზელენსკის ერთობლივი გამოსვლა.
პოლოენთის პრეზიდენტის კანცელრიაში აცხადებენ, რომ ყველა სამსახური მზად არის ამ ვიზიტის ორგანიზებისათვის და მისი უსაფრთხოება სრულად დაცულია.
