CNN -ის ინფორმაციით, ნაფიცმა მსაჯულებმა მხარი დაუჭირეს ამერიკის შეერთებული შტატების ყოფილ პრეზიდენტისთვის, დონალდ ტრამპისთვის ბრალის წაყენებას.
მანჰეტენის ნაფიც მსაჯულთა დიდი კოლეგიის გადაწყვეტილებით, დონალდ ტრამპს ბრალს წაუყენებენ. პროკურორი ექსპრეზიდენტს ბრალის წაყენების მიზნით სასამართლოში სავარაუდოდ უახლოეს დღეებში დაიბარებს.
ამერიკის ისტორიაში ეს იქნება პირველი შემთხვევა, როდესაც პრეზიდენტს (მოქმედს ან ყოფილს) სისხლის სამართლის ბრალს წაუყენებენ.
ნიუ-იორკის პროკურატურა ტრამპის წინააღმდეგ იძიებს საქმეს, რომელიც პორნოვარსკვლავ სტორმი დენიელსთან სკანდალს უკავშირდება. 2016 წლის საპრეზიდენტო კამპანიის ბოლოს, ტრამპის მაშინდელმა ადვოკატმა მაიკლ კოენმა დენიელსს 130 000 დოლარი გაუგზავნა, რათა მას ტრამპთან ურთიერთობის შესახებ საჯაროდ არ ესაუბრა. დენიელსმა დონალდ ტრამპს და მის ადვოკატს მაიკლ კოენს სასამართლოში უჩივლა.
აღნიშნულ ბრალდებას კატეგორიულად უარყოფს ამერიკის ყოფილი პრეზიდენტი.
