„ქართული ოცნების: აღმასრულებელი მდივანი მამუკა მდინარაძე POSTV-ის ხელმძღვანელზე, შალვა რამიშვილზე საუბრისას ამბობს, რომ"სასამართლოს გარეშე ადამიანების გასამართლებას არ ეთანხმება.
მისივე თქმით, იველა ქალს უჭერს მხარს, ვინც "რეალურად" არის მსხვერპლი.
"მე ყველა ქალს ვუჭერ მხარს, რომელიც არის რეალური მსხვერპლი, რომელიც განიცდის დევნას, შევიწროებას, ძალადობას, აბსოლუტურად ყველას და არ უნდა არსებობდეს ადამიანი, რომელიც სხვანაირად აზროვნებს და ეს არის პრიორიტეტული თემა.
რაც შეეხება [რამიშვილს], სასამართლოს გარეშე ადამიანების გასამართლების თქვენეულ მცდელობას, მე ამას უბრალოდ არ ვეთანხმები. გუშინ გაირკვა, რომ [რამიშვილს] სასამართლო წაგებული აქვს არახელსაყრელი პირობების შექმნისათვის, სამოქალაქო სასამართლო და არა სისხლის სამართლის წესით და დაკისრებული აქვს 2 000 ლარის გადახდა, რომელიც მას ჰქონია გადახდილი და გუშინდელ დღემდე მეც მეგონა, რომ სისხლის სამართლის წესით იყო დამნაშავედ ცნობილი, თურმე სამოქალაქო წესით. მართლაც ძალიან უსიამოვნო მოსასმენი იყო რაც ჩანაწერებში ვნახეთ, გიდასტურებთ მთელი პასუხისმგებლობით, მაგრამ შესაბამის კვალიფიკაციაზე, ეს სამოქალაქოა, ადმინისტრაციულია, დანაშაულია ანუ სისხლია თუ არა, ეს უნდა გადაწყვიტოს სასამართლომ და არა მე და თქვენ."- ამბობს მდინარაძე.