უკრაინის პრეზიდენტის ვოლოდიმირ ზელენსკის განცხადებით, უკრაინის შეიარაღებული ძალები ჯერ ვერ იწყებს კონტრშეტევას, რომელიც 2023 წლის გაზაფხულისთვის იყო დაგეგმილი. მისი თქმით, საჭიროა დამატებითი დახმარება - იარაღის, საბრძოლო მასალისა და ავიაგამანადგურებლების მიწოდება.
ზელენსკის თქმით, აღმოსავლეთ უკრაინაში ვითარება მძიმეა, ძირითადად საბრძოლო იარაღის არასაკმარისი რაოდენობის გამო.
„ველოდებით საბრძოლო მასალას ჩვენი პარტნიორებისგან“, - აღნიშნა ზელენსკიმ.
მისი თქმით, რუსი სმხედროები ყოველდღიურად სამჯერ მეტ საბრძოლო მასალას იყენებენ, ვიდრე უკრაინის შეიარაღებული ძალები.