გერმანიის კანცლერმა ოლაფ შოლცმა განაცხადა, რომ უკრაინაში ომი რუსული ჯარების გაყვანით უნდა დამთავრდეს. ამის შესახებ მან ბრიუსელში, ევროკავშირის სამიტის შემდეგ განაცხადა. იუწყება გამოცემა Bild.
„სრულიად ნათელია, როგორ უნდა დასრულდეს ეს ომი. რუსეთმა უნდა გაიყვანოს ჯარი“, - განაცხადა შოლცმა.
მისი თქმით, ომის დასრულების ასეთი სცენარი აუცილებელია, რათა რუსეთის პრეზიდენტს ვლადიმირ პტუინს არ მიეცეს შესაძლებლობა ძალით დააწესოს თავისი იმპერიალისტური მიზნები და შეცვალოს საზღვრები ევროპაში.
შოლცმა ასევე დაადასტურა, რომ ევროკავშირი მხარს დაუჭერს უკრაინას იმდენ ხანს, რამდენიც საჭირო იქნება.