გასულ დღე-ღამეში უკრაინის თავდაცვის ძალებმა რუსული მი-24 ტიპის ვერტმფრენი და 6 დრონი ჩამოაგდეს, გაანადგურეს მტრის საარტილერიო ქვედანაყოფები.
ინფორმაციას უკრაინის შეიარღებული ძალების გენშტაბი ავრცელებს.
გენშტაბის ცნობით, უკრაინის ავიაციამ 17 დარტყმა მიაყენა ოკუპანტების კონცენტრაციის რაიონებს.
უწყების ინფორმაციით, რუსეთის ძალები ფოკუსირებული არიან ძირითადი ძალისხმევა მიმართონ ლიმანის, ბახმუტის, ავდეევკის, მარინკისა და შახტიორის მიმართულებებზე. უკრაინელმა დამცველებმა მტრის 59 შეტევა მოიგერის.
გენშტაბის ცნობით, რუსეთის არმიამ განახორციელა 30 ავია და 11 სარაკეტო დარტყმა, უკრაინელი სამხედროების პოზიციებს, სამოქალაქო ინფრასტრუქტურის ობიექტებსა და მშვიდობიან მოსახლეობას 75-ჯერ გაუხსნა ცეცხლი რეაქტიული სისტემებიდან. უწყების ცნობით, მსხვერპლია მშვიდობიან მოსახლეობას შორის.