უკრაინაზე თავდასხმის შემდეგ რუსეთი ბოლო 150 წლის განმავლობაში ყველაზე დიდ საერთაშორისო იზოლაციაში აღმოჩნდა. ამის შესახებ რუსეთის უშიშროების საბჭოს ხელმძღვანლის მოადგილემ დმიტრი მედვედევმა განაცხადა.
მისი თქმით, დღეს, რუსეთი აღმოჩნდა „უნიკალურ“ სიტუაციაში, რომელიც შესაძლოა შეადაროთ 1920-30-იან წლებს, როდესაც საბჭოთა კავშირი სრულ საერთაშორისო იზოლაციაში იმყოფებოდა.
„როდესაც იყო მეფის რეჟიმი, იმპერია, ჩვენ გვყავდნენ მოკავშირეები, ისინი იცვლებოდნენ - გერმანია, საფრანგეთი, ხან ანტანტა, ხან ანტანტის გარეშე, მაგრამ ჩვენ არ ვიყავით მარტო. ახლა კი პირველად, ყოველ შემთხვევაში ბოლო 150 წლის განმავლობაში ჩვენ ვართ მარტო“, - განაცხადა მედვედევმა.