გიული ალასანია ექსპრეზიდენტის ჯანმრთელობის მდგომარეობზე საუბრისას ამბობს, რომ ამაზე უარესი მხოლოდ სიკვდილი შეიძლება იყოს.
„ამაზე უარესი არის სიკვდილი. ვიღაცამ თქვა სტრასბურგში, საკონცენტრაციო ბანაკის ტყვეს ჰგავსო და ნამდვილად ეგრეა. როგორც კი წამოიწევა, არის ცარიელი ჩონჩხი“, - თქვა დღეს ალასანიამ.
ამასთან, ალასანიას თქმით, ხელისუფლებას არ აქვს ნება, რომ სააკაშვილთან პოლონელი ექიმები დაუშვას.
"პოლონელი ექიმების ბევრი არაფერი ვიცი. ვიცი, რომ უნდა ჩამოსულიყვნენ უკვე ვიცი 2 კვირაა, რომ ისინი გამზადებული არიან ჩამოსასვლელად, მაგრამ ფაქტია, ვერ ჩამოდიან, როგორც ჩანს, არ აქვთ ნებართვა, თორემ ამდენი ხანი ხომ ჩამოვიდოდნენ. იქიდან ყველანაირი მზადყოფნა იყო, ფოტიგა იმავეს ლაპარაკობდა, სტრასბურგში ვიყავით ყველა იმავეს გვეუბნებოდა, ფაქტია, რომ ეს ექიმები ვერ ჩამოდიან", - თქვა გიული ალასანიამ.