ჩვენ ვიცით შარპის ტექნოლოგია, სადაც მან ხავერდოვანი რევოლუციების ტექნოლოგია ჩამოწერა და იქ ერთ-ერთი აუცილებელი კომპონენტი არის ბულინგი, – ამის შესახებ პოლიტოლოგმა რამაზ საყვარელიძემ საქართველოს პირველი არხის გადაცემაში „აქტუალური შაბათი – მაკა ცინცაძესთან ერთად“ სტუმრობისას განაცხადა.
„მივყვებით ამ შარპს, ჩვენი ქართული სინამდვილე და 2003 წლის რევოლუცია არის შარპის რეცეპტით გაკეთებული რევოლუცია. მას შემდეგ ეს ჯგუფი – „ნაციონალები“ სულ მიჰყვება ამ გზას და აგრძელებენ. მაგალითად, რაც კობახიძეს გაუკეთეს. რა ფუნქცია აქვს მას, გარდა იმისა, რომ გამოთქვას სიძულვილი, მეტი ხომ არაფერი?! მოჰკიდეს დანარჩენმა ბავშვებმა ხელი, გამოიყვანეს, მაგრამ სოციალურ ქსელში რომ ნახოთ, რეაქციები ვისაც აქვს, ყველას კობახიძის საწინააღმდეგო აქვს, რადგან კარგია და ხელსაყრელია კობახიძის გინება, საერთოდ, ხელისუფლების გინება. ოპოზიციის გინება როდესმე გინახავთ? ძალიან იშვიათად. უბრალოდ, ახლა ძალიან დიდი შეცდომები რომ დაუშვეს, დაიწყეს გინება, თორემ ისე ხელისუფლება უნდა ვაგინოთ, აბა, რა? აგრესია რა არის ხომ? რომ დაჩაგრავ სიტყვით და ვისი დაჩაგვრა უფრო გემრიელია, ვინც ოლიმპოზე ზის თუ ვინც ჩვეულებრივი მოქალაქეა?“ – განაცხადა საყვარელიძემ.
