რუსეთის სახელმწიფო საზღვრის ყველაზე საშიშ მონაკვეთად საქართველოსთან მოსაზღვრე იალბუზის რაიონი რჩება. ეს განცხადება რუსეთის ფედერალური უსაფრთხოების სამსახურის ყაბარდო-ბალყარეთის მიმართულების სასაზღვრო სამმართველოს ხელმძღვანელმა გენერალ მაიორმა ივან აგეენკომ გააკეთა.
აგეენკო აცხადებს, რომ ბოლო დროს მესაზღვრეთა საქმიანობა ამ რეგიონში დიდ საფრთხესთანაა დაკავშირებული, რომელიც ტერორისტული იატაქვეშეთის წარმომადგენლებიდან მომდინარეობს.
"განსაკუთრებით მყიფე ტერორისტული საფრთხიდან გამომდინარე, ისევე როგორც ადრე ახლაც იალბუზის რაიონი რჩება. იგი მთიან ადგილზეა განლაგებული და დაბლობს საკმაოდ დაცილებულია. ამიტომაც იქ მსხვილი სამხედრო დანაყოფების არარსებობის გამო ტერორისტული აქციებისთვის და უკანონო შეიარაღებული ფორმირებების ქმედებისთვის კარგი პირობებია შექმნილი", _ განაცხადა აგეენკომ.
