თეთრი სახლი მიხეილ სააკაშვილისა და ჯო ბაიდენის სატელეფონო საუბრის დეტალებს აქვეყნებს. ოფიციალურ ვებგვერდზე წერია, რომ აშშ-ს ვიცე პრეზიდენტმა ჯო ბაიდენმა საქართველოს ტერიტორიული მთლიანობისა და სუვერენიტეტის მხარდაჭერა კიდევ ერთხელ დააფიქსირა.
საუბარი საქართველოში დემოკრატიულ რეფორმებსაც შეეხო. ბაიდენმა აღნიშნა რომ დაგეგმილი რეფორმების ბოლომდე მიყვანა აუცილებელია. საუბრისას აშშ-ს ვიცე პრეზიდენტმა 2008 წლის აგვისტოს ომიც გაიხსენა და თქვა რომ 12 აგვისტოსა და 8 სექტემბრის ცეცხლის შეწყვეტის შეთანხმების პირობები სასწრაფოდ უნდა შესრულდეს.