ამერიკის შეერთებული შტატები აფხაზეთსა და ე.წ. სამხრეთ ოსეთში არსებული დაძაბული ვითარებით შეშფოთებულია.
ამის შესახებ განცხადება სახელმწიფო დეპარტამენტის ოფიციალურმა წარმომადგენელმა იან კელიმ ვაშინგტონში გამართულ ბრიფინგზე განაცხადა.
მისი თქმით, ჟენევის მოლაპარაკებათა პროცესი კარგი საშუალებაა არსებულ, მოუგვარებელ პრობლემებზე მოლაპარაკების საწარმოებლად.
"ჩვენ შეშფოთებულები ვართ, რომ ვითარება სამხრეთ ოსეთსა და აფხაზეთში კვლავ დაძაბული და მოუგვარებელი რჩება. იქ არიან გასული წლის ცეცხლის შეწყვეტის შეთანხმების მონაწილეები, თუმცა ეს შეთანხმება ჯერ ბოლომდე არ შესრულებულა. მხარეებს შეუძლიათ მოლაპარაკებით გადაწყვიტონ ეს საკითხი ჟენევის დისკუსიებზე. ჩემი აზრით, ეს ერთ-ერთი ყველაზე კარგი ფორმატია აღნიშნული პრობლემის დასარეგულირებლად", - განაცხადა მან.