უკრაინაში ვიზიტად მყოფი რუსეთის ფედერაციის პრემიერ-მინისტრი ვლადიმერ პუტინი კიევში მიხეილ სააკშვილის ვიზიტს ირონიული განცხადებებით გამოეხმაურა.
"რითი იყვნენ დაკავებული ჩვენი კოლეგები ჩემთვის უცნობია, მაგრამ ვფიქრობ, ორ პრეზიდენტს სასაუბრო, განსახილველი და გასახსენებელი თემა ბევრი აქვთ", - განაცხადა პუტინმა იალტაში ტიმოშენკოსთან შეხვედრის შემდგომ გამართულ პრესკონფერენციაზე და აქვე პუშკინის ერთ-ერთი ლექსის პერეფრაზირება მოახდინა და განმარტა, რომ "მებრძოლები გარდასულ დღეებს და ბრძოლებს იხსენებდნენ".
"რისი რჩევაც შემიძლია ის არის, რომ რეკომენდაცია გავუწიო ორ პრეზიდენტს - ვახშამი, თუკი ისინი ივახშმებენ, ჰალსტუხების გარეშე გამართონ. ჰალსტუხები ამჟამად არ ფასობს. თქვენ ალბათ გესმით ჩემი", - განაცხადა პუტინმა.
შეგახსენებთ, რომ საქართველოს პრეზიდენტი მიხეილ სააკაშვილი უკვე ორი დღეა კიევში ვიზიტით იმყოფება. უკრაინაში შეხვედრებს მართავს ვლადიმერ პუტინიც.
