თბილისში, ლაგუნა ვერეს მიმდებარე ტერიტორიაზე დაპირისპირებას 2 ადამიანი ემსხვერპლა, დაჭრილია 5 პირი. შემთხვევა გუშინ გვიან ღამით მოხდა.
დაჭრილები რესპუბლიკურ საავადმყოფოში არიან გადაყვანილი. ექიმის განმარტებით, ერთ-ერთ მათგანს, 34 წლის პაციენტს ცეცხლსასროლი ჭრილობები აღინიშნებოდა დუნდულების და ტორსის მიდამოში. პაციენტს სათანადო კვლევები და ქირურგიული ოპერაცია ჩაუტარდა. ექიმის თქმით, დაჭრილის მდგომარეობა, ამ ეტაპზე, სტაბილურია.
მომხდარზე გამოძიება სისხლის სამართლის კოდექსის 236-ე და 109-ე მუხლებით მიმდინარეობს, რაც ცეცხლსასროლი იარაღის უკანონო შეძენა-შენახვა-ტარებას და დამამძიმებელ გარემოებებში განზრახ მკვლელობას გულისხმობს.
გავრცელებული ინფორმაციით, მკვლელობას წინ უძღოდა ურთიერთშელაპარაკება.
