თბილისში, რუსთაველის გამზირი გადაკეტილია. პარლამენტის შენობის წინ უკრაინის მხარდამჭერი აქცია იმართება. საქართველოს მოქალაქეები უკვე მეორე დღეა თბილისსა და რეგიონებში უკრაინის მიმართ, რუსულ აგრესიას აპროტესტებენ.
სამოქალაქო აქტივისტებისა და მოქალაქეების გარდა, აქციაზე ოპოზიციონერი პოლიტიკოსებიც იმყოფებიან.
მოქალაქეებმა შეკრება საღამოს 7 საათზე დაიწყეს. სამოქალაქო მოძრაობის ლიდერები შეკრებილებს რუსეთის მიერ დაწყებულ ომში უკრაინის წარმატებაზე აცნობდნენ ინფორმაციას.
აქციის მონაწილეებს მიტანილი აქვთ საქართველოსა და უკრაინის დროშები. ისმის უკრაინისა და საქართველოს სახელმწიფო ჰიმნები.
თბილისში მიმდინარე საპროტესტო აქციის ფოტო უკრაინის პრეზიდენტმა ვოლოდიმირ ზელენსკიმ "ინსტაგრამზე" გამოაქვეყნა.
